12 ਜਨਵਰੀ 2023 - ਉੱਤਰ ਪ੍ਰਦੇਸ਼ ਦੀ ਪੁਲਿਸ ਮੁਤਾਬਿਕ ਬਰੇਲੀ ਦੇ ਫਰੀਦਪੁਰ ਥਾਣਾ ਖੇਤਰ 'ਚ ਕਤਰੀ ਦੀ ਜ਼ਮੀਨ 'ਤੇ ਕਬਜ਼ੇ ਨੂੰ ਲੈ ਕੇ ਗੋਲੀਬਾਰੀ ਹੋਈ। ਇਸ ਜ਼ਮੀਨੀ ਵਿਵਾਦ ਪਿੱਛੇ ਹੋਈ ਗੋਲੀਬਾਰੀ 'ਚ 2 ਜਵਾਨ ਸਿੱਖ ਮੁੰਡੇਆ (ਪਰਮਿੰਦਰ ਸਿੰਘ ਤੇ ਦਵਿੰਦਰ ਸਿੰਘ) ਦੀ ਮੌਤ ਹੋ ਗਈ।
15 ਜਨਵਰੀ 2023 - ਪਰਮਿੰਦਰ ਸਿੰਘ ਤੇ ਦਵਿੰਦਰ ਸਿੰਘ ਦੀਆ ਲਾਸ਼ਾਂ ਦਾ ਸਸਕਾਰ ਸਚੁ ਖੋਜ ਅਕੈਡਮੀ ਵਿਖੇ ਨਿਹੰਗ ਧਰਮ ਸਿੰਘ ਨੇ ਕੀਤਾ। ਪੁਲੀਸ ਨੇ ਮੁੱਖ ਮੁਲਜ਼ਮ ਪਰਮਵੀਰ ਸਿੰਘ ਅਤੇ ਰਵਿੰਦਰ ਯਾਦਵ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ। ਉਸ ਦੀ ਟਾਟਾ ਸਫਾਰੀ ਕਾਰ ਵੀ ਬਰਾਮਦ ਕਰ ਲਈ ਗਈ।
18 ਜਨਵਰੀ 2023 - ਪਿੰਡ ਗੋਵਿੰਦਪੁਰ ਵਿੱਚ ਰਾਮਗੰਗਾ ਦੇ ਦੂਜੇ ਪਾਸੇ ਪਰਮਵੀਰ ਸਿੰਘ ਨੇ 17 ਹੈਕਟੇਅਰ ਸਰਕਾਰੀ ਜ਼ਮੀਨ ’ਤੇ ਕਬਜ਼ਾ ਕੀਤਾ ਹੋਇਆ ਸੀ। 9 ਜਨਵਰੀ 2023 ਨੂੰ 53 ਲੱਖ ਰੁਪਏ ਜੁਰਮਾਨਾ ਹੋਣ ਦੇ ਬਾਵਜੂਦ ਪਰਮਵੀਰ ਸਿੰਘ ਨੇ ਕਬਜ਼ਾ ਨਹੀਂ ਛੱਡਿਆ। ਮੰਗਲਵਾਰ 8 ਜਨਵਰੀ ਨੂੰ ਲੇਖਪਾਲ ਨੇ ਪਰਮਵੀਰ ਖਿਲਾਫ ਜ਼ਮੀਨ ਹੜੱਪਣ ਦਾ ਮਾਮਲਾ ਦਰਜ ਕਰਵਾਇਆ ਸੀ।
18 ਜਨਵਰੀ 2023 - ਪਰਮਵੀਰ ਖਿਲਾਫ ਜ਼ਮੀਨ ਹੜੱਪਣ ਦਾ ਮਾਮਲਾ ਦਰਜ - 53 ਲੱਖ ਰੁਪਏ ਜੁਰਮਾਨਾ
18 ਜਨਵਰੀ 2023 - ਗਰੀਬਾਂ ਦੀ ਜ਼ਮੀਨ ਤੇ ਕੀਤਾ ਸੀ ਪਰਮਵੀਰ ਸਿੰਘ ਨੇ - ਅਸਲ ਜ਼ਮੀਨ ਦੇ ਮਾਲਕ ਆਏ ਸਾਮਣੇ - ਰਾਏਪੁਰ ਹਾਂਸ ਵਿੱਚ ਜੋ ਲੋਕ ਕਦੇ ਜ਼ਿਮੀਂਦਾਰ ਸਨ, ਉਨ੍ਹਾਂ ਦੇ ਵੰਸ਼ਜ ਡਰਾਈਵਰ ਅਤੇ ਪਲੰਬਰ ਬਣ ਕੇ ਸ਼ਹਿਰਾਂ ਵਿੱਚ ਸਮਾਂ ਬਤੀਤ ਕਰ ਰਹੇ ਹਨ ਕਿਉਂਕਿ ਉਨ੍ਹਾਂ ਦੀ ਜ਼ਮੀਨ ਪਰਮਵੀਰ ਸਿੰਘ ਵਰਗੇ ਭੂ-ਮਾਫੀਆ ਦੇ ਕਬਜ਼ੇ ਹੇਠ ਹੈ। ਰਮਵੀਰ ਸਿੰਘ ਵਰਗੇ ਗੁੰਡਿਆਂ ਦੀ ਕਬਜ਼ਾ ਨੀਤੀ ਤੋਂ ਦੁਖੀ ਹੋ ਕੇ ਸਾਰੇ ਅਮੀਰ ਲੋਕ ਵੀ ਪਿੰਡੋਂ ਹਿਜਰਤ ਕਰ ਗਏ ਹਨ।
25 ਜਨਵਰੀ 2023 - ਬਰੇਲੀ ਟ੍ਰਿਪਲ ਮਰਡਰ ਦੇ ਦੂਜੇ ਪਾਸੇ ਦੇ ਮੁੱਖ ਦੋਸ਼ੀ ਪਰਮਵੀਰ ਸਿੰਘ ਖਿਲਾਫ ਪ੍ਰਸ਼ਾਸਨ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਡੀ.ਐਮ ਨੇ ਉਸ ਨੂੰ ਭੂ-ਮਾਫੀਆ ਕਰਾਰ ਦਿੱਤਾ ਹੈ। ਪੁਲਿਸ ਨੇ ਉਸ ਦਾ ਪਾਸਪੋਰਟ ਜ਼ਬਤ ਕਰਨ ਲਈ ਲਿਖ ਪੜ੍ਹੀ ਸ਼ੁਰੂ ਕਰ ਦਿੱਤੀ ਹੈ, ਤਾਂ ਜੋ ਜੇਲ ਤੋਂ ਰਿਹਾਅ ਹੋਣ ਤੋਂ ਬਾਅਦ ਉਹ ਵਿਦੇਸ਼ ਭੱਜ ਨਾ ਸਕੇ।
25 ਜਨਵਰੀ 2023 - ਪਰਮਵੀਰ ਸਿੰਘ ਤੇ 7 ਛੇੜਛਾੜ ਅਤੇ ਬਲਾਤਕਾਰ ਦੇ ਮਾਮਲੇ ਪਹਿਲਾ ਹੀ ਦਰਜ ਹਨ। ਇਸ ਬਰੇਲੀ ਟ੍ਰਿਪਲ ਮਰਡਰ ਕਾਂਡ ਤੋਂ ਪਹਿਲਾਂ ਪਰਮਵੀਰ ਸਿੰਘ ਖ਼ਿਲਾਫ਼ ਫਰੀਦਪੁਰ ਵਿੱਚ ਛੇੜਛਾੜ, ਬਲਾਤਕਾਰ ਵਰਗੀਆਂ ਧਾਰਾਵਾਂ ਤਹਿਤ 7 ਕੇਸ ਦਰਜ ਸਨ, ਜਿਨ੍ਹਾਂ ਵਿੱਚ ਉਹ ਫਰਾਰ ਸੀ। ਪੁਲਿਸ ਇਸ ਸਾਰੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
25 ਜਨਵਰੀ 2023 - ਸੂਤਰ ਦੱਸਦੇ ਹਨ ਕਿ ਐਸ.ਸੀ.ਐਸ.ਟੀ ਐਕਟ ਕੇਸ ਨੂੰ ਛੱਡ ਕੇ ਬਾਕੀ ਸਾਰੇ ਕੇਸਾਂ ਵਿੱਚ ਫਰੀਦਪੁਰ ਪੁਲੀਸ ਨੇ ਪਰਮਵੀਰ ਸਿੰਘ ਚਾਰਜਸ਼ੀਟ ਦਾਖ਼ਲ ਕਰਨ ਦੀ ਤਿਆਰੀ ਕਰ ਲਈ ਹੈ। ਸੀਓ ਐਸ.ਸੀ.ਐਸ.ਟੀ ਐਕਟ ਕੇਸ ਦੀ ਚਰਚਾ ਕਰ ਰਿਹਾ ਹੈ।
25 ਜਨਵਰੀ 2023 - ਡੀ.ਐਮ ਸ਼ਿਵਕਾਂਤ ਦਿਵੇਦੀ ਨੇ ਦੱਸਿਆ ਕਿ ਪਰਮਵੀਰ ਸਿੰਘ ਨੇ ਆਰਥਿਕ ਲਾਭ ਕਮਾਉਣ ਲਈ ਸਰਕਾਰੀ ਅਤੇ ਨਿੱਜੀ ਜ਼ਮੀਨ ’ਤੇ ਨਾਜਾਇਜ਼ ਕਬਜ਼ਾ ਕੀਤਾ ਹੋਇਆ ਸੀ। ਸਰਕਾਰੀ ਜ਼ਮੀਨ ਖਾਲੀ ਕਰਵਾ ਕੇ 53 ਲੱਖ ਰੁਪਏ ਦਾ ਜੁਰਮਾਨਾ ਕੀਤਾ ਗਿਆ ਹੈ। ਹੁਣ ਉਸ ਨੂੰ ਭੂ-ਮਾਫੀਆ ਐਲਾਨ ਦਿੱਤਾ ਗਿਆ ਹੈ। ਉਸ ਦੀ ਨਜਾਇਜ਼ ਕਮਾਈ ਜ਼ਬਤ ਕਰ ਲਈ ਜਾਵੇਗੀ।
